6 қосымша. 2020-2021 оқу жылы үшін ОЖЖ, МДДС көшірмесі

«Төңкеріс негізгі орта мектебі» коммуналдық мемлекеттік мекемесінің

2020 – 2021 оқу жылына арналған  оқу жұмыс жоспарына түсінік хат

«Білім туралы» 2007 жылғы 27 шілдедегі Қазақстан Республикасы Заңының 5-бабының 14) тармақшасына және Қазақстан Республикасы Білім және ғылым министрінің 2018 жылғы 31 қазандағы № 604 бұйрығымен (Қазақстан Республикасы нормативтік құқықтық актілерін мемлекеттік тіркеу тізілімінде № 17669 болып тіркелген) бекітілген Білім берудің барлық деңгейінің мемлекеттік жалпыға міндетті білім беру стандарттарына сәйкес, Қазақстан Республикасы Білім және ғылым министрлігінің  2020 жылдың 12 тамыздағы № 340 бұйрығы және Алматы облыстық білім басқармасының 2020 жылғы 14 тамыздағы №340 бұйрығы және аудандық білім бөлімінің 14.08.2020 жылғы №309-Ө бұйрығы, «Төңкеріс негізгі орта мектебі» коммуналдық мемлекеттік мекемесіның 15.08.2020 жылғы №68 бұйрығы негізінде басталады. 2020 - 2021 оқу жылында «Төңкеріс негізгі орта мектебі» коммуналдық мемлекеттік мекемесінде  мектепалды даярлық тобы – 1, бастауыш сыныптар – 4,  орта буын сыныптары – 5, барлық сыныптар қазақ тілінде оқытылады. 

2020 – 2021 оқу жылына арналған  мектепалды даярлық сыныбының жұмыс оқу жоспарына түсінік    хат

             Мектепалды даярлық тобының оқу жұмыс жоспары  төмендегі нормативтік – құқықтық  құжаттар негізінде жүзеге асырылады: 

Мемлекеттік жалпыға міндетті стандарты.«Білім берудің барлық деңгейінің мемлекеттік жалпыға міндетті білім беру стандарттарын бекіту туралы»Қазақстан Республикасы Білім және ғылым министрінің 2018 жылғы 31 қазандағы № 604 бұйрығы» (2020 жылғы 5 мамырдағы  № 182 бұйрығымен бекітілген  өзгерістер еңгізілген);

Қазақстан Республикасы Білім және Ғылым министрінің 2020 жылғы 13 тамыздағы   № 345 бұйрығымен бекітілген «Короновирустық инфекцияның таралуына байланысты шектеу шаралары кезеңінде орта білім беру ұйымдарында оқу процесін іске асыру» бойынша әдістемелік ұсынымдар;

Үлгілік оқу жоспарларыҚазақстан Республикасы Білім және ғылым министрінің 2020 жылғы 12 мамырдағы «Қазақстан Республикасы Білім және ғылым министрінің 2012 ж. 12 желтоқсандағы «Қазақстан Республикасының мектепке дейінгі тәрбие мен оқытудың үлгілік оқу жоспарларын бекіту бұйрығына өзгерістер енгізу туралы» №557  бұйрығына өзгерістер мен толықтырулар енгізу туралы» №195 бұйрығы және ҚР БҒМ 2018 жылғы 10 қазандағы №556 бұйрығы; 

Үлгілік оқу бағдарламары.Қазақстан Республикасы Білім және ғылым министрінің «Қазақстан Республикасының мектепке дейінгі тәрбие мен оқытудың үлгілік оқу бағдарламасын бекіту туралы» 2016 жылғы  12 тамыз  №499 бұйрығы; 

«Оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» Қазақстан Республикасы Білім және ғылым министрінің 2020 жылғы 22 мамыр  № 216 бұйрығымен бекітілген оқу басылымдары; 

Мектепалды даярлық білім беру бағдарламасы баланың мектепте білім алу даярлығын (әлеуметтік-психологиялық, тұлғалық, ерік-жігерлік, физикалық және зияткерлік даярлығы) қамти отырып, сондай-ақ баланың коммуникативтік дағдыларының қалыптасуына, танымдық және әлеуметтік мотивтерінің көрінуіне, қызығушылығы мен білім алуға деген құштарлығының дамуына ықпал етеді.

Мектепке дейінгі салада педагогикалық процесті ұйымдастыру:

-      мектеп жасына дейінгі балаларды тәрбиелеу мен оқытудың құзыреттілік әдісі;

-  бес білім беру саласы («Денсаулық», «Қатынас», «Таным», «Шығармашылық», «Әлеумет») арқылы танымдық іс – әрекеті ұйымдастыруды біріктіру әдісі;

-  құзыреттілікті дамыту индикаторларының, яғни мектеп жасына дейінгі баланың тұтастай даму деңгейі, зерттеу және бақылау құралымен әрбір баланың жетістіктерін диагностикалау негізінде қамтамасыз етіледі.

Білім беру процесі бес білім беру саласын «Денсаулық», «Коммуникация», «Таным», «Шығармашылық», «Әлеумет»   кіріктіру арқылы қамтамасыз етіледі, олардың әрқайсысы баланың жас ерекшелігіне байланысты мақсатты бағыттары бар өзіндік тараулардан тұрады. 

2020 жылғы 12 мамырдағы №195 бұйрығымен оқу жоспарына өзгерістер енгізілді: «Қатынас» білім беру саласынан «Драма» ҰОҚ 0,5 сағат  алынып тасталып, оның оқу мақсаттары 1 сағаттық «Көркем әдебиет» ҰОҚ енгізілді. «Шетел тілі» 1 сағат алынып тасталды. Сауат ашу ҰОҚ 2 сағат берілді.«Әлеумет»,«Таным» білім беру саласындағы «Экология негіздері»ҰОҚ алынып тасталды, 0,25 сағат апталық жүктемесі «Қоршаған ортамен таныстыру»ҰОҚ қосылды, апталық жүктемесі 0,5 сағат құрайды.   «Экология негіздері» міндеттері «Жаратылыстану»ҰОҚ шешілетін болады.  

«Денсаулық» білім беру саласында балалардың денсаулығын нығайтуға, салауатты өмір салтының ережелерін саналы түрде сақтауын қалыптастыруға, сауықтыру-гигиеналық процедуралар өткізуге эмоциональды-жағымды қатынасқа,  қозғалыстарды жетілдіруге, физикалық және мықтылық қасиеттерін дамытуға, балалардың дербестігіне бағытталған педагогикалық жұмыстардың шарттары мен мазмұны, міндеттері белгіленген.

 «Денсаулық» білім беру саласының базалық мазмұны ұйымдастырылған оқу қызметінде іске асырылады:

1) дене шынықтыру 

2) қауіпсіз мінез – құлық негіздері.

 «Қатынас» білім беру саласында байланыстырып сөйлеуді дамытуды, мектепке дейінгі ересек жастағы балалардың тілдік әрекетке жеке қабілеттерін дамыту, мазмұнды диалог пен монолог құра білу іскерлігін, тілдік шығармашылығын көрсетуге бағытталған жұмыстардың мазмұны мен міндеттері қарастырылады.

«Қатынас» білім беру саласының базалық мазмұны ұйымдастырылған оқу қызметінде іске асырылады:

- сөйлеуді   дамыту

- көркем әдебиет

- сауат ашу негіздері

- орыс тілі (қазақ тілінде оқытылатын топтарда)

«Таным» білім беру саласында баланың қоршаған ортада бағдарын кеңейту және байыту, қоғамдық өмір, еңбек және ересектердің қызметі, экологиялық мәдениет негіздері  туралы түсініктерін қалыптастыруға бағытталған педагогикалық жұмыстардың міндеттері, мазмұны мен шарттары айқындалып көрсетіледі. 

«Таным» білім беру саласының базалық мазмұны ұйымдастырылған оқу қызметінде іске асырылады:

- математика негіздері

- құрастыру

- жаратылыстану

 «Шығармашылық» білім беру саласы мектепке дейінгі кіші жастағы балаларды  шығармашылық - эстетикалық тәрбиелеуге, бала бойында эстетикалық эмоциялар мен сезімдерді дамытуға, музыка, ән, бейнелеу өнері салаларында қарапайым білім, білік және дағды элементтерін қалыптастыруға бағытталған.

«Шығармашылық» білім беру саласының базалық мазмұны ұйымдастырылған оқу қызметінде іске асырылады:

- сурет салу;

- мүсіндеу;

- жапсыру;

- музыка.

 «Әлеумет» білім беру саласында  жеке тұлғаның әлеуметік қасиеттерін дамыту, құрбыларымен және ересектермен тіл табысудың түрлі құралдарын меңгеру, балалар қоғамын қалыптастыру міндеттері шешіледі.   Білім беру саласының мазмұнын іске асыру балалардың дербестігін, адамгершілік қасиеттерін дамытуға, олардың өзін-өзі бағалауына ықпал етеді.

«Әлеумет» білім беру саласының базалық мазмұны ұйымдастырылған оқу қызметінде іске асырылады:

- өзін-өзі тану 

- қоршаған ортамен таныстыру

Сабақтың ұзақтығы – 25-30 мин, үзіліс – 10 мин. 

Вариативтік бөлімінен  жастағы шәкіріттердің ой-өрісі, қиял-сезімін дамытып, еркін пікір алмасу машықтарын қалыптастыру мақсатында 1 сағат  «Логика курсы»,  ертегімен таныстыра отырып, рөлдік образдарды сомдау арқылы, баланың қиялын, қызығушылығын, тілін дамыту мақсатында  1 сағат «Ертегі елінде», оқушылардың  шығармашылық қабілеттерін дамыту мақсатында 1 сағат «Сиқырлы бояу» вариативтік сағаты берілді.

Мектепалды даярлық тобындағы апталық сағаты – 20. Оның ішінде  инварианттық – 17 сағат, вариативтік – 3 сағат. 

Қазақстан Республикасы Білім және ғылым министрінің
 2012 жылғы 20 желтоқсан№ 557  бұйрығының 1-қосымшасы

Қазақстан Республикасы Білім және ғылым министрінің 

2020 жылғы 12 мамырдағы №195 бұйрығының1-қосымшасы

«Төңкеріс негізгі орта мектебі» коммуналдық мемлекеттік мекемесінің  2020 – 2021 оқу жылына арналған мектепалды даярлық тобының жұмыс оқу жоспары

2020 -2021 оқу жылындағы 1-9 сыныптарға арналған оқу жұмыс жоспарына

 түсінік хат

             2020-2021 оқу жылында  1-9 сыныптар жаңартылған білім беру мазмұнындағы бағдарламаларымен оқытылады. 

            1-4 сыныптарда білім беру үрдісі келесі нормативтік – құқықтық  құжаттар  негізінде жүзеге асырылады: 

• Мемлекеттік жалпыға міндетті стандарты.Қазақстан Республикасы Білім және ғылым министрінің 2018 жылғы 31 қазандағы № 604 бұйрығымен бекітілген Бастауыш білім берудің мемлекеттік жалпыға міндетті стандарты (Білім және ғылым министрінің 2020 жылғы 5 мамырдағы №182 бұйрығымен бекітілген  өзгерістер мен толықтырулары енгізілген ) және Қазақстан Республикасы Білім және ғылым министрінің 2020 жылғы 28 тамыздағы  № 372 бұйрығымен бекітілген  өзгерістер еңгізілген Бастауыш білім берудің мемлекеттік жалпыға міндетті стандарты; 
• Қазақстан Республикасы Білім және Ғылым министрінің 2020 жылғы 13 тамыздағы  № 345 бұйрығымен бекітілген «Короновирустық инфекцияның таралуына байланысты шектеу шаралары кезеңінде орта білім беру ұйымдарында оқу процесін іске асыру» бойынша әдістемелік ұсынымдар басшылыққа алынды;

-Үлгілік оқу жоспарлары. "Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы" Қазақстан Республикасы Білім және ғылым министрінің 2012 жылғы 8 қарашадағы № 500 бұйрығына өзгерістер мен толықтырулар енгізу туралы Қазақстан Республикасы Білім және ғылым министрінің 2018 жылғы 4 қыркүйектегі № 441 бұйрығының 1-қосымшасы басшылыққа алынды.

• Үлгілік оқу бағдарламары. Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламаларына 2018 жылғы 10 мамырдағы № 199 бұйрығымен өзгерістер мен толықтырулар енгізілген; 
• Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығымен бекітілген  Бастауыш білім берудің жалпы білім беретін пәндерінің үлгілік оқу бағдарламалары («Өзін-өзі тану» пәні бойынша 2016 жылғы 8 сәуірдегі № 266 бұйрығымен өзгерістер мен толықтырулар енгізілген); 
• Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары («Ақпараттық-коммуникативтік технологиясы» пәні бойынша 2018 жылғы 17 қазандағы № 576 бұйрығымен өзгерістер мен толықтырулар енгізілген) және Қазақстан Республикасы Білім және ғылым министрінің 2019 жылғы 26 шілдедегі №334 «Қазақстан Республикасы Білім және ғылым министрінің кейбір бұйрықтарына енгізулер мен толықтырулар енгізу туралы» бұйрығы;

- «Оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» Қазақстан Республикасы Білім және ғылым министрінің 2020 жылғы 22 мамыр  № 216 бұйрығымен бекітілген оқу басылымдары; 

5-9 сыныптарда білім беру процесі келесі нормативтік – құқықтық  құжаттар   негізінде  жүзеге асырылады: 

• Мемлекеттік жалпыға міндетті стандарты.Қазақстан Республикасы Білім және ғылым министрінің 2018 жылғы 31 қазандағы № 604 бұйрығымен бекітілген Негізгі орта білім берудің мемлекеттік жалпыға міндетті стандарты, (Білім және ғылым министрінің 2020 жылғы 5 мамырдағы №182 бұйрығымен бекітілген  өзгерістер мен толықтырулары енгізілген) және Қазақстан Республикасы Білім және ғылым министрінің 2020 жылғы 28 тамыздағы  № 372 бұйрығымен бекітілген  өзгерістер еңгізілген Негізгі орта және жалпы орта білім берудің мемлекеттік жалпыға міндетті стандарты; 
• Қазақстан Республикасы Білім және Ғылым министрінің 2020 жылғы 13 тамыздағы  № 345 бұйрығымен бекітілген «Короновирустық инфекцияның таралуына байланысты шектеу шаралары кезеңінде орта білім беру ұйымдарында оқу процесін іске асыру» бойынша әдістемелік ұсынымдар басшылыққа алынды;

-Үлгілік оқу жоспарлары."Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы" Қазақстан Республикасы Білім және ғылым министрінің 2012 жылғы 8 қарашадағы № 500 бұйрығына өзгерістер мен толықтырулар енгізу туралыҚазақстан Республикасы Білім және ғылым министрінің 2018 жылғы 4 қыркүйектегі № 441 бұйрығының 4-қосымшасы.

• Үлгілік оқу бағдарламары. Қазақстан Республикасы Білім және ғылым министрінің 2013 жылғы 3 сәуірдегі  № 115 бұйрығымен бекітілген Негізгі орта білім берудің жалпы білім беретін пәндерінің үлгілік оқу бағдарламаларына 2017 жылғы 25 қазандағы № 545 бұйрығыжәне Қазақстан Республикасы Білім және ғылым министрінің 2019 жылғы  26 шілдедегі №334 «Қазақстан Республикасы Білім және ғылым министрінің кейбір бұйрықтарына енгізулер мен толықтырулар енгізу туралы» бұйрықтарымен өзгерістер мен толықтырулар енгізілген;
• Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары («Өзін-өзі тану» пәні бойынша 2016 жылғы 8 сәуірдегі № 266 бұйрығымен өзгерістер мен толықтырулар енгізілген); 
• Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығымен бекітілген Негізгі орта білім берудің жалпы білім беретін пәндерінің үлгілік оқу бағдарламаларына 2014 жылғы 15 шілдедегі № 281 бұйрықпен «Зайырлылық және дінтану негіздері» пәні бойынша өзгерістер мен толықтырулар енгізілген;
• «Оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» Қазақстан 
• Республикасы Білім және ғылым министрінің 2020 жылғы 22 мамыр  № 216 бұйрығымен бекітілген оқу басылымдары. 

2020-2021 оқу жылында «Өмір қауіпсіздігінің негіздері» (бұдан әрі – ӨҚН) курсынкіріктірілген оқу бағдарламасы арқылы: 1-4-сыныптарда «Дүниетану» оқу курсының аясында; 5-9-сыныптарда – «Дене шынықтыру» пәні аясында жүзеге асырылады. 

«ӨҚН»   курсын 2-3-сыныптарда жылдық оқу жүктемесі 6 сағат, 4-сыныпта 10 сағат  көлемінде бастауыш сынып мұғалімдері жүргізеді. 5-9-сыныптарда «Дене шынықтыру» оқу курсының аясында 15 сағаттық жылдық оқу жүктемесімен дене шынықтыру мұғалімінің оқытуымен іске асырылады.

Қазақстан  Республикасы Президентінің «Қазақстанды әлеуметтік жаңғырту бағытындағы «Жалпыға ортақ Еңбек қоғамына қарай 20 қадам» бағдарламалық мақаласында берілген тапсырмаларын іске асыру   мақсатында әзірленіп, ҚР Білім және ғылым министрінің 2013 жылғы  3 сәуірдегі №115 бұйрығымен бекітілген оқу бағдарламалары бойынша 9-сыныпқа арналған «Абайтану» курсы – 1 сағаттан және оқушылардың   экологиялық білім-біліктерін қалыптасыру мақсатында экологиялық бағытында курстар қарастырылған. 

Вариативті компоненттен 9-сыныптар үшін міндетті түрде «Зайырлылық және дінтану негіздері» курсын оқытуға 1 сағат апталық жүктеме берілді. ҚР Білім және ғылым министрінің 2014 жылғы 15 шілдедегі № 281 бұйрығымен бекітілген үлгілік оқу бағдарламалары бойынша «Зайырлылық және дінтану негіздері» курсын тарих және біліктілікті арттыру және қайта даярлау бойынша арнайы курстардан өткен пән мұғалімдері жүргізеді.

Баланың жеке тұлға ретінде қалыптасуына, оның психологиялық, рухани, физиологиялық, әлеуметтік және шығармашылық дамуының үйлесімділігіне қол жеткізуге мүмкіндік беретін «Өзін-өзі тану» пәні функционалды тұрғыдан маңызды пәндердің бірі болып табылады. «Өзін-өзі тану» пәнін «Адамның үйлесімді дамуы» институты (Алматы, «Бөбек» ҰҒПББСО) дайындаған, ҚР Білім және ғылым министрінің 2013 жылғы 3 сәуірдегі №115 бұйрығымен бекітілген (2016 ж 8 сіуәрдегі №266 бұйрығымен өзгерістер мен толықтырулар енгізілген) орта білім беретін мектептерге арналған оқу бағдарламалары бойынша жүзеге асырылады. «Өзін-өзі тану» пәнін біліктілікті арттыру және қайта даярлау бойынша арнайы курстардан өткен пән мұғалімдері   жүргізеді.

Вариативтік компонетінен сағаттардың бөлінуі

1-4 сыныптардағы оқу жоспарларының вариативтік компонетінен таңдау мен белсенді-қозғалмалысипаттағыжеке және топтық сабақтароқушылардың жеке қызығушылығы және ата-аналардың өтініші негізінде келесі мақсаттармен бөлінді:

Бастауыш 1-4 сыныптарда таңдау бойынша сабақтар:

2-сыныпта білім алушылардың тіл заңдылықтарына сай дұрыс сауатты сөйлеуге  дағдыландыру мақсатында«Сөз өнері» -1 сағат жүргізіледі.

Оқушылардың пәнге деген қызығушылығын арттыру, оқушылардың зерттеушілік дағдыларын қалыптастыру мақсатында «Елтану» 3-сыныпта- 1 сағат, 4-сыныпта- 1 сағат оқытылады.

Белсенді-қозғалмалы сипаттағы жеке жіне топтық сабақтар есебінен:

1-сыныпта балалардың әр түрлі жасанды заттарды ойлап тауып, құрастырып, жасауда өз шеберліктерін көрсетуге шақыру. Үйірме арқылы пайдаланушыларды қолөнер түрлерімен таныстыра отырып, шығармашылыққа баулу, еңбекке қызығушылығы мен ой-өрісін кеңейту және ұлттық тәлім-тәрбиені бойына сіңіру, өнер саласындағы басылымдарды насихаттау. Оқушыларды білімдерін жүиелеп, шығармашылық қиялын арттыру мақсатында «Икемді еңбек» - 1 сағат жүргізіледі. 

Жас ұрпақтың ұлттық дүниетанымын қалыптастыру оқушылардың шығармашылығын театр түрлері арқылы дамытып, сөйлеу қабілеттерін жан-жақты жетілдіру мақсатында 1-сыныпта «Ұлттық дүниетаным» - 1 сағат жүргізіледі.

2-сыныпта оқушылардың жеке басын қалыптастыра отырып, рухани жан-дүниесін кеңейту, ақыл-ойы мен ұлттық сана-сезімін дамытуға ықпал ету, кітап оқуға деген ынтасын арттыру мақсатында «Тіл дамыту» - 1 сағат оқытылады.

Оқушылардың шығармашылық ізденістерін, өзіндік қабілетін және қоғамдық қарым-қатынасын қалыптастыру, экология ұғымын қалыптастыруда айналадағы ортаны қорғауға тәрбиелеу мақсатында 3-сыныпта «Табиғат – ана, біз - бала» -1 сағат, 4-сыныпта – 1 сағат  жүргізіледі.

4-сыныпта оқушыларды қазақ халқының қанына сіңген ізгі адамгершілік қасиеттерінің халықтың. салт-дәстүрлерімен сабақтастығын түсіндіру мақсатында «Салт-дәстүр –асыл қазынам» - 1 сағат жүргізіледі.

3-сыныпта танымдық ой – өрісін кеңейту мақсатында  «Қызықты лото» - 1 сағат жүргізіледі

5-9 сыныптардағы оқу жоспарларының вариативтік бөлігіндегі элективті курстар, жеке және топтық жұмыстар оқушылардың жеке қызығушылығы және ата-аналардың өтініші негізінде келесі мақсаттар үшін бөлінді:

Элективті курстар есебінен:

Өсімдіктерәлемін қорғау, өсімдіктердің адамға тигізетін пайдасы туралы мағлұмат қалыптастыру, эстетикалық талғамын арттыру мақсатында 5-сыныпта «Өсімдіктер әлемі»-1 сағат, 6-сыныпта «Гүлдер әлемі» - 1 сағат элективті курс  оқытылады.

Халқымыздың көркем мұрасы ою-өрнек өнерін , ғылыми тұрғыдан зерттеп, оның көне және озық үлгілерін сөрелеп шығу, тарихын, қоғамдық әлеуметтік, тәрбиелік мәнін ашу және қолөнер негіздерін оқыту кезінде балаларға адамгершілік-эстетикалық тәрбие беру танымдық және шығармашылық әрекетті белсендіру  мақсатында 5-сыныпта «Ою-өрнек»-1 сағат, 6-сыныпта «Шебер қол» -1 сағат, 9-сыныпта «Дизайн» - 1 сағат оқытылады..

Туған өлкенің қалыптасуы мен дамуын кешенді сипаттайтын географиялық, тарихи, мәдени, табиғи және басқа да факторлар туралы білім қалыптастыру; туған елге деген сүйіспеншілік сезімге, қоршаған табиғи ортаны аялауға тәрбиелеу мақсатында 7-сыныпта «Жетісу өлкесін тану»-1 сағат, 8-сыныпта «Өлкетану»-1 сағат жүргізіледі.

Анатомия, физиология ғылымы туралы түсніктерін арттыру мақсатында 6-сыныпта «Биология және денсаулық» - 1 сағат, 8-сыныпта «Генетика және селекция» -1 сағат оқытылады.

9-сыныпта «Абайтану» факультатив курсы
 ҚР Білім және ғылым министрінің 2013 жылғы 3 сәуірдегі №115
 бұйрығымен бекітілген оқу бағдарламасы арқылы оқыту жүзеге асырылады.
 Курстың білім мазмұны ұлы ақын шығармаларын терең де, жан-жақты
 таныту арқылы елжанды, халқымыздың әдебиетін, өнерін, салт-дәстүрін,
 мәдениетін, тілін ұлттық құндылық ретінде бағалайтын, эстетикалық талғамы
 жоғары, білім, білік, дағдылармен қаруланған, түйген ойларын іс жүзінде өз
 129кәдесіне жарата білетін, ұлттық сана-сезімі қалыптасқан, өркениетті қоғамдаөмір сүруге лайықты, терең ойлайтын дара тұлға қалыптастыруға бағытталған.
 Курсты қазақ тілі мен әдебиеті немесе біліктілікті арттыру және қайта
 даярлау бойынша арнайы курстардан өткен пән мұғалімдері жүргізеді.

9-сыныпта «Зайырлылық және дінтану негіздері» курсы
 бойынша оқу процесін ұйымдастыруда келесі оқу бағдарламасы қолданылады:
 Қазақстан Республикасы Білім және ғылым министрінің 2014 жылғы 15
 шілдедегі №281 бұйрығымен бекітілген Негізгі орта білім беру деңгейінің 9-
 сыныбына арналған «Зайырлылық және дінтану негіздері» курсының оқу
 бағдарламасы.
 «Зайырлылық және дінтану негіздері» факультативтік курсын
 оқытудың мақсаты:
 - білім алушыларды «зайырлылық» принципін құндылық, яғни мемлекет
 баяндылығының басты тұғыры ретінде қабылдауға, дінді зайырлы таным
 аясында тануға үйрету;
 - діни сенім бостандығы, әлемдік және дәстүрлі діндердің, жаңа діни
 қозғалыстардың тарихы мен қазіргі жай-күйі, теріс пиғылды діни ағымдар мен
 тыйым салынған діни ұйымдар туралы білім беру;
 - білім алушыларды экстремизм, терроризм және діни радикализм
 идеологияларын қабылдамауға үйрету, рухани-адамгершілік құндылықтар
 негізінде толеранттылық қасиетке тәрбиелеу және олардың гуманистік
 дүниетанымын қалыптастыру.

Белсенді-қозғалмалы сипаттағы жеке және топтық сабақтар есебінен:

 Оқушылардың бойында бейнелеу өнерінің саласы және көркем-шығармашылық іс-әрекеттер барысында жеке тұлға қасиетін дамыту мақсатында 5- сыныпта «Қылқалам» сабағы-1 сағат, 6-сыныпта «Табиғи материалдармен жұмыс» сабағы-1 сағат, 7-сыныпта «Бояулар сыры» сабағы-1 сағат жүргізіледі.

Білім алушылардың цифрлық сауаттылықтарын арттыру мақсатында 8-сыныпта «3d модельдеу»-1 сағат, 9-сыныпта «Компьютерлер әлемі» -1 сағат оқытылады.

Мектеп бойынша вариативтік бөлімінің сағаттары  барлығы – 26, таңдау сабақтар - 3, элективті, курстар – 11, белсенді қозғалмалы сипаттағы жеке және топтық сабақтар – 12.                                                                                                                                                                                                                                                                                                                                                                                                                                                                                                                                                                                                                                                                                     

1 - 4 сыныптарда   барлығы– 10 сағат, таңдау бойынша сабақтар – 3, жеке және топтық 

сабақтар – 7;

5 - 9 сыныптарда барлығы – 16 сағат, элективті курстар – 11, жеке және топтық жұмыстар – 5;

Инвариантты сағат саны 1-9 сыныптар – 254,  вариатив бөлімінің сағаттары- 26, 

МАД тобында – 20 сағат.

«Төңкеріс негізгі орта мектебі» коммуналдық мемлекеттік мекемесінің 2020-2021 оқу жылындағы  бастауыш білім берудің (жаңартылған мазмұнның) жұмыс оқу жоспары

«Төңкеріс   негізгі орта мектебі коммуналдық мемлекеттік мекемесінің 

2020-2021 оқу жылындағы  негізгі орта білім берудің (жаңартылған мазмұнның) жұмыс  оқу жоспары